دينا مراجيح مسلسل ليه لأ أمينه خليل

تعليق غير مهتم  .......

بس مهم شوية لكل المهتمين بالتمثيل و المسرح اللي اتهلكم و ضاع من عمرهم سنين بين البروڤات و القراءة و الثقافة و التشخيص و التمثيل و المعايشة و التجسيد و سمعوا من الناس كلمات المدح على دور مثلوه بكل صدق و الناس قطعت ايديهم تصقيف في السوكسيهات اللي ياما هزت كراسي المسرح من قوتها .

فيه مننا الشباب اللي ربنا كرمهم ودخلوا معهد الفنون المسرحية او معهد السينما عشان يبقوا أكاديميين و ممثلين معتمدين و ليهم تصاريح تمثيل .

و فيه طبعا الممثلين الهواة اللي أنا واحدة منهم لفينا مصر من إسكندرية لأسوان و موهبتنا بتتكلم عننا ما بنحتاجش نبرر لها حاجة عشان بنديها كل حاجة نملكها من وقت و فلوس و طاقة و علاقات لحد ما بتستنزفنا بنفس راضية من غير ما نستنى منها حاجة او مقابل للي قدمناه .

فطبيعي نحس بالقهرة لما نشوف البنوتة اللي اسمها دينا مراجيح في مسلسل لممثلين محترفين و بيتشاف من جمهور كبير .. بس احنا اسمنا فنانين يعني بنحس زيادة 😊😊 .. ممكن نعتبر اللي حصل ده تعويض لـ دينا عن ظروف معيشة دمرت أدميتها بشكل او بأخر .. و ده رزق ربنا انها تأكل لقمة حلوة وتلبس هدوم حلوة و تحط ميك أب زي أي بنوتة في الدنيا و تحس انها جميلة ولو لساعات و في يوم من الأيام تكون شوية الصور و الفيديوهات ذكرى جميلة تفرج جيرانها و أهلها عليهم و قلبها يفرح من تاني .😊

ازعلوا شوية بس اجمدوا انتم أصحاب القوى و هى ليها فترتها و هاتختفي .. اتمسكوا بأحلامكم و شغفكم و ادعوا ربنا كتير يكرمكم و يرزقكم

و اتمنى في النهاية المنتجين و المخرجين يتحروا الدقة في اختيار الممثلين حتى ولو كان الهدف دعاية سلبية لزيادة نسبة المشاهدات .. بس ارجوكم بلاش على حساب طاقة تحملنا .. و شكرا ليكم 

#ليه_لأ

#دينا_مراجيح

#أمينة_خلي