طريقه عمل القرص الطريه بالسمسم
القرص الطريه بالسمسم
كيلو ونصف لبن رايب أو لبن عادى
كوب زيت
كوب قشطه
كوب زبده
كوب سكر
2معلقه كبيره خميره فوريه
مكعب خميره بيره
سمسم محمص حسب مابتحبيه
دقيق حسب ماتلم معاكي العجينه
للوش
2بيض
نصف كوب لبن
نص معلقه قهوه
سمسم محمص
الطريقه
اول حاجه ربع كوب ميه دافيه فيه الخميره ومعلقه السكر ونسيبهم علي جنب
تانى حاجه السوايل كلها مع بعض وباقي السكر لحد مايدوب تماما يفضل طبعا اللبن يكون دافئ ولو لبن رايب يكون بدرجه حراره الغرفه ونقلب كويس نبدأ نضيف الدقيق المنخول واحده واحده لحد ماتلم معاكي وتسيب ايدك طبعا الزبده والقشطه هيخلو العجينه زى الملبن،😍😃 اوعي تضيفي دقيق تانى هي هتسيب من ايدك أثناء العجن وبتلم معاكى وطريه وزى الفل تغطيها وتسبيها تخمر ؟؟ تخمررر !؟!؟!!!!ازاى وانا نسيت أقولك تضفي الخميره،😃
ضفيها مع السوائل قبل اضافه الدقيق
اما تخمر قطعيها حسب الحجم وسيبها تخمر وافرديها وسبيها تخمر تانى وادهنى وشها وعلي الفرن
الفرن يكون سخن طبعا وبألف هنا
تعليقات
إرسال تعليق