البوفتيك أو البانيه بطريقه سهله جدا بالسمسم
البوفتيك أو البانيه سهل جدااا ومش بيفك في الزيت وكمان من غير بقسماط و بيض وكمان ضفت عليه اضافه جديده وهي السمسم 👍
طبعا ينفع جدااا يستوى بالفرن للناس اللي بتحب الدايت
يلا بينا نقول المقادير بس قبل ماأقول المقادير ندعي لكل من غاب من الدنيا لكل من فارقنا لكل غالي علي قلبنا الله يرحمهم ويغفر لهم ويصبرنا على فراقهم
المقادير للتتبيله✓✓✓
صدور دجاج
ملح
فلفل
جنزبيل
بصل مبشور
طماطم مبشور
خل
عصير ليمون
سمسم
للتغطيه
محتاجه دقيق نشا جنزبيل ملح فلفل توم وبصل بودر بيكنج بودر
زيت القلي
الطريقه
اول حاجه نسمى الله ونبدأ بتتبيله الصدور
نضع جميع مكونات التتبيله مع بعض وممكن تفرم بالكبه ثم نضعها علي الصدور وتقلب جيدا
وتغطي وتوضع بالثلاجة وتترك علي الاقل ساعتين
نجهز مقادير التغطيه
نشا نفس كميه الدقيق ومعاهم البيكنج بودر والملح والفلفل الأسود والتوم البودر والبصل البودر والجنزبيل ونقلبهم جيدا
هناخد ٣معالق من مقدار الدقيق ونضع عليهم حوالي تلت كوب من الماء ونقلبهم كويس هيبقي خليط زى الكيك نضيفهم علي الصدور المتبله ونقلبهم وكدا دا هيبقي بديل البيض وكمان بيدى قرمشه فظيعه هيعجكم اوى وبعد ما أخد ٣ معالق الدقيق نضيف ربع كبايه السمسم
نبدأ واحده واحده ننزل قطع الدجاج في الدقيق وتضغط جيدا وبعد انتهاء الكميه نبدأ القلي
لو عايزين تشوفو الفيديو هتلاقو علي قناتى علي اليوتيوب اسمها samar samy أو علي الفيس بوك البيدج أكلاتى وتكاتى سمر سامى
تحفه
ردحذف