خالد مغربي دبابه الله يرحمك يابطل
خالد مغربي دبابة بطل وجنبه إحنا غلابة 💪
و قالوا ايه علينا دولا و قالوا ايه !!
خالد محمد كمال نقيب في الصاعقه المصريه من طوخ ( القليوبية ) .. كان بيخدم في سيناء " كتيبة ٨٣ صاعقة " و كان من اصدقاء منسي و رجالته و اسمه كان معروف وسط كل رجال الصاعقة المصرية و انه كان جسمانياً قوي جداً و كان بطل عظيم !
حتي فيه مقولة شهيرة كانت بتقول : الي متجبوش المدفعية يجيبو الطيران والي مايجبوش الطيران خالد مغربي دبابه يجيبه
قصه استشهاد البطل
خالد كان استلم امر النقل الخاص بيه لقوات الصاعقه في اسكندريه و كان خلاص بيجهز متعلقاته علشان يمشي ف يجي نداء علي الاسلكي من كمين البرث انهم بيتهاجموا من ارهابيين !!
خالد سمع كدا يقوم وقتي من غير تفكير يجمع قوة و يقول بصوت عالي " حي علي الشهادة " ويطلع بمدرعتين وعربه تشويش علشان يلحق رجالة منسي في الكمين
و هم في الطريق يلاقوا عربيه مفخخه اتحطت علشان تمنع الامدادات المتوقعة عن الكمين فيتعامل معاه خالد ويفجرها ويتعامل برشاش المدرعه مع القناصه اللي كانوا محاوطين الكمين و فتح طريق للكمين لحد ما الارهابيين وجهوا عربيه مفخخه بانتحاري خبطت في مدرعته و انفجرت فيها .. عشان يستشهد و هو بيحاول ينقذ رجاله كمين البرث !
الله يرحمك يا خالد .. الله يرحمك يا بطل
و فعلا جنبك احنا غلابة .. هنيجي ايه ف شجاعتك و بطولتك
ربنا يرحمهم ويغفر لهم بإذن الله
ردحذف