جبر الخواطر عل الله
الكلام الحلو بيفرق جدا مع الناس
قادر يغير نفسيتك من شخص مكتئب لشخص مبهج قادر يخليك تبتسم من غير سبب الكلام الحلو بيطبطب علي القلب بيفتح النفس❤️
وبيخلي أفكارك إيجابيه جدااا متبطلش تقول كلام حلو وكلام إيجابي للشخص اللي قدامك حتى لو متعرفوش
حقيقي بتفرق جداااا لما تشوف شخص لابس حاجه جديده قوله ايه الجمال دا 😍وقوله انها جميله اوى عليه وقتها هيحب الحاجه دى أوى وهيحب نفسه أكتر وهيحبك انت أكتر وثقته في نفسه هتزيد
لما تشوف شخص عمل حاجه مهما كانت تافهه بالنسبالك بس لمجرد انك تقوله قد ايه أنها حاجه عظيمه هتفرق معاه وان كلامك ده كان تقدير لتعبه فيها لو مش هتقدر تساعد اللي قدامك بأى شئ ف كفايه انك تحاول تساعده معنويآ بكلام لطيف👌
في أشخاص كتير إنتحرت لمجرد إنها ملاقتش اللي يسمعها أو يحتويها حتى بكلمه أو بحضن ف سيب أثرك في كل شخص ولو بكلمه واحده و هتتفاجئ بشعور السعاده من غير سبب هتبقي مبسوط لوحدك من غير أى موقف حصلك علشان ربنا هيجب بخاطرك بسبب أثرك اللي سيبته في قلب كل شخص 🌸
جبر الخواطر لازم يكون موجود وقت الشده وقت الحزن وقت القهره اللي بتكون جوه جوه قلبك
وانا حسيتها لما أبويا مات 😓💔
الله لا يوجع قلبكم أبدا
وجع القلب اللي مش بيهدا مش بيقف مش بيتنسي
الله يرحم كل من غاب من الدنيا ويصبرنا علي فراقهم🙏
الله قال "وقولوا للناس حسنا "
والنبي قال "الكلمه الطيبه صدقه"
تعليقات
إرسال تعليق