مسلسل الإختيار الصاعقه المصريه ملحمه البرث
بقولكم بالعكس لازم تتفرجوا وتشوفوا ولادكم الابطال عملوا ايه في التكفيريين
اه والله متخافوش....متخافوش ولادكم رجاله مراحوش عند ربنا غير وهما اللي واخدين حقهم بايدهم،،،
لكن معادهم واختيار ربنا لهم كان في اليوم ده لأن أجلهم كدا يموتوا ابطال مقبلين غير مدبرين
ولادكم مخافوش وواجهوا اكثر من 150 كلب ارهابي وهما كانوا كلهم تقريبا 25 بطل ونجا من ولادكم عدد منهم
علشان يحكوا لينا علي الملحمه اللي حصلت دي
والكلاب هربوا وسابوا اكتر من 40 جثه من كلابهم اما لقوا في استماته انهم ياخدوا جثة او يرفعوا علم داعش علي السطح
لازم تشوفوا الملحمه اللي بحق
لازم تشوفوا ابطالنا عملو ايه
لازم تشوفوا على علي عمل ايه لازم تشوفوا هرم كان بينده عليهم ازاي تعالوا ياكلاب وهو واقف اسد
ولازم تشوفوا محمود صبري وهو بيجري في الخلاء وسط رصاصهم العشوائي علشان يوصل للمدفع النص بوصه ووصل فعلا وبقي يشقلط فيهم في الهواء
لازم تشوفوا القائد منسي وهو بيشجع عساكره ويحفزهم بصوت ثابت واثق .. ويقول الله اكبر عليكم ياابطال الله اكبر عليكم ياابطال اثبتوا كمان يارجاله الدعم جاي خلاص علينا اهو
لازم تشوفوا شبراوي اللي وقف قدام البيت في المواجه وقال تعالوا ياكلاب وكان بيصطاد فيهم زي الدبان
لازم تشوفوا محمد صلاح وهو بيبلغ احداثي صفر عارفين يعني ايه اما لقي منهم كتير بيقربوا بعد التفجير اللي حصل بالعربيه المصفحه علشان الضرب ميأثرش فيها وتوصول والا غير كدا مش هيقدروا علي منسي ورجالته وللأسف وصلت لحرم الكمين اللي لو كانت موصلتش والله ماكان واحد من رجالة منسي اتخدش لكن زي ما قولنا كان ميعاد اللقاء حان
لازم تشوفوا ازاي 20 فرد واخدين موجة تفجير ووقفوا من تاني وبيحاربوا فوق ال 150 ارهابي بيضربوا عليك من خوفهم وجبنهم بكل انواع الاسلحه الثقيله عشوائي من بعيد
لازم تشوفوا ولادكم وتفخروا بيهم ليوم الدين
لازم نشوف ونعرف حجم التضحيه اللي تمت ولسه بتم علشان البلد دي تعيش وتفضل في امان بشعبها
لازم نشوف تايسون وتهامي وسباعي والسفاح ونجم وهما بيحاربوا بكل ثبات وهما متصابين من التفجير الشديد
لازم نشوف خالد السفاح وهو بيرقص التكفيريين في الهواء بالقنابل اليدويه
والله لو مشفتوا ملحمة البرث هيفوتكم كتير قوي
افخروا بولادكم وادعوا لكل اللي زيهم واقف علي خط النار بطل بيواجه بكل قوه وثبات وعزيمه واراده قويه وعقيده ثابته
احنا شهدائنا ربنا اختارهم وكل واحد بيروح اما معاده بيجي
بيروح مكان كلنا والله نحلم نشم ريح مسكه من بعيد
دي الجنه ومع مين دي مع النبيين والصديقين والشهداء والصالحين.. يابختهم بيها
#الاختيار
الأبطال الحقيقين الف رحمه تروحلكم 😓
تعليقات
إرسال تعليق